Беларуская інфармацыйная кампанія
Адрас старонкі: https://by.belapan.by/archive/2018/12/22/986281_986282/
Дата раздрукоўкі: 23.09.2019 12:06
22.12.2018 17:30 Эканоміка, Фінансы

Долар ЗША падаражэў амаль на дзве капейкі перад доўгімі выхаднымі

Мінск, 22 снежня. 22 снежня на таргах Беларускай валютна-фондавай біржы беларускі рубель знізіўся да еўра і долара ЗША, умацаваўся да расійскага рубля. Пры гэтым амерыканская валюта дадала ў кошце амаль дзве капейкі.

Па выніках таргоў курс еўра вырас на 0,0043 рубля (0,18%) і склаў 2,4354 рубля.

Курс долара ЗША павялічыўся на 0,0180 рубля (0,85%) да 2,1408 рубля.

Курс расійскага рубля зменшыўся на 0,0108 рубля (0,35%) і склаў 3,1074 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Каціроўкі на нафту працягваюць падаць, бараль маркі Brent каштаваў 53,5 долара ЗША.

У Расіі афіцыйны курс долара ЗША, устаноўлены Цэнтральным банкам 22 снежня, складае 68,0085 рубля. У параўнанні з папярэднім значэннем курс вырас на 63,75 капейкі.

Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН