Беларуская інфармацыйная кампанія
Адрас старонкі: https://by.belapan.by/archive/2018/12/30/986962_123456/
Дата раздрукоўкі: 23.04.2019 11:06
30.12.2018 12:58 Палітыка

Лукашэнка: Ідэі стваральнікаў КПБ сёння з`яўляюцца арыенцірам у пабудове моцнай, незалежнай, талерантнай дзяржавы

Мінск, 30 снежня. Аляксандр Лукашэнка накіраваў віншаванне ўдзельнікам урачыстага сходу, прысвечанага 100-годдзю з дня ўтварэння Камуністычнай партыі Беларусі.

"Абвешчаныя яе стваральнікамі ідэі сацыяльнай справядлівасці, роўных правоў і магчымасцяў для ўсіх грамадзян краіны і народаў свету, адданасці Айчыне прайшлі выпрабаванні часам і войнамі, вытрымалі змену палітычнага ладу. І сёння з`яўляюцца арыенцірам у пабудове моцнай, незалежнай, талерантнай дзяржавы", — цытуе Лукашэнку яго прэс-служба.

Беларускі афіцыйны лідар адзначыў, што "Камуністычная партыя Беларусі — актыўны ўдзельнік палітычнага, грамадскага, эканамічнага і культурнага жыцця краіны".

"Перакананы, што, захоўваючы пераемнасць традыцый, адстойваючы гістарычную праўду, паважаючы гераічнае мінулае свайго народа, вы заўсёды будзеце годным прыкладам для маладога пакалення, — падкрэсліў Лукашэнка. — Дзякуй вам за вернасць ідэалам і імкненне працаваць дзеля міру і росквіту нашай роднай Беларусі".

БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН