Беларуская інфармацыйная кампанія
Адрас старонкі: https://by.belapan.by/archive/2019/01/02/eu_987139_987141_123/
Дата раздрукоўкі: 28.05.2020 15:13
02.01.2019 12:34 Грамадства, Палітыка, Беларусь — Еўрасаюз

Польшча спыніла выдачу беларусам шэнгенскіх віз для пакупак

Мінск, 2 студзеня. Польшча 2 студзеня спыніла выдачу беларусам шэнгенскіх віз для пакупак.

У адпаведнасці з удакладненым пералікам прыкладаных дакументаў, адзіным для ўсіх консульскіх устаноў краін — членаў Шэнгенскага пагаднення, пры звароце па візы грамадзяне Беларусі абавязаныя падаць: пацвярджэнне наяўнасці грашовых сродкаў, страхавы поліс, а таксама пацвярджэнне браніравання гасцініцы ў Польшчы на час знаходжання або дагавор арэнды жылога памяшкання ў Польшчы.

Раней для атрымання візы на пакупкі да стандартнага пакета дакументаў неабходна было прыкласці заяву аб намеры рабіць пакупкі ў Польшчы пры першым звароце. Пры наступных зваротах неабходна было прадставіць арыгіналы і копіі бланкаў на вяртанне VAT і Tax Free, што пацвярджала належнае выкарыстанне візы.

Змены, якія пачалі дзейнічаць 2 студзеня, "носяць чыста тэхнічны характар", заявілі раней у польскім пасольстве ў Мінску. "Іх мэта — яшчэ большая адкрытасць на патрэбы грамадзян Рэспублікі Беларусь, якія ўязджаюць у Польшчу, а таксама ўязджаюць праз Польшчу ў іншыя краіны — члены Шэнгенскага пагаднення", — падкрэслілі ў дыпмісіі.

"Тэхнічныя змены станоўча паўплываюць на задавальненне высокага попыту на шэнгенскія візы, якія выдаюць консульскія ўстановы Рэспублікі Польшча ў Беларусі", — падкрэсліваецца ў паведамленні польскага пасольства.

Грамадзянам Рэспублiкi Беларусь, якія падаюць дакументы на атрыманне візы, гэтыя змены не прычыняць нязручнасці, заявілі ў пасольстве.

БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239