Беларуская інфармацыйная кампанія
Адрас старонкі: https://by.belapan.by/archive/2019/01/17/988828_988829/
Дата раздрукоўкі: 10.12.2019 09:46
17.01.2019 12:54 Эканоміка

БелАЗ упершыню паставіў самазвалы на Філіпіны

Мінск, 17 студзеня. ААТ "БелАЗ" упершыню паставіла самазвалы на Філіпіны, паведаміла прэс-служба прадпрыемства.

"Выхад на рынак гэтай астраўной краіны стаў магчымы дзякуючы эфектыўнай палітыцы прасоўвання тэхнікі, якая праводзіцца маркетынг-цэнтрам прадпрыемства, і планамернай працы дылера БелАЗа ў паўднёва-ўсходнім рэгіёне планеты — кампаніі Belazia Pte. Ltd.", — адзначыла прэс-служба.

Мантаж і ўвод у эксплуатацыю шасці машын "БелАЗ-7555В" грузападымальнасцю 55 тон ажыццёўлены ў канцы снежня мінулага года на востраве Себу.

У трапічным выкананні, з павялічанай платформай, шматдыскавымі маслаахаладжальнымі тармазамі, дадатковымі паліўнымі фільтрамі самазвалы працуюць у пясчаным кар'еры буйнога цэментнага завода Cemex Philippines APO Cement.

Шэф-мантаж 55-тоннікаў згодна з умовамі кантракта ажыццяўлялі спецыялісты БелАЗа. Зборка машын вялася на аўтабазе вядомай на Філіпінах транспартнай кампаніі Geo Transporт, якая прадастаўляе тэхніку здабываючым кампаніям. Да кар'ера машыны ішлі свае ходам, і гэтага было дастаткова для таго, каб вадзіцелі ацанілі плаўнасць ходу, перавагі аўтаматычнай каробкі перадач ва ўмовах горнага рэльефу мясцовасці. Яны асабліва адзначылі электронны дысплей, на які выведзены параметры ўсіх сістэм самазвала. "У беларускага аўтазавода добрыя перспектывы на рынку гэтай краіны", — лічаць на прадпрыемстве.

Сёння кампанія "БелАЗ" утрымлівае трэць сусветнага рынку вялікагрузных кар'ерных самазвалаў і пастаўляе прадукцыю больш чым у 20 краін.

Марына Носава, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН