Беларуская інфармацыйная кампанія
Адрас старонкі: https://by.belapan.by/archive/2019/01/21/989327_12345/
Дата раздрукоўкі: 07.12.2019 15:36
21.01.2019 13:51 Грамадства

Да чатырох гадоў пазбаўлення волі прыгавораны жыхар Віцебска за незаконнае набыццё і захоўванне агнястрэльнай зброі і боепрыпасаў

Мінск, 21 студзеня. Да чатырох гадоў пазбаўлення волі прыгавораны жыхар Віцебска за незаконнае набыццё і захоўванне агнястрэльнай зброі і боепрыпасаў, паведамляе прэс-служба Генеральнай пракуратуры.

Паводле матэрыялаў справы, жыхар Віцебска 1986 года нараджэння ў неўстаноўлены час незаконна набыў 227 паляўнічых патронаў, 84 пісталетныя патроны, пісталет Макарава, мадэрнізаваны аўтамат Калашнікава і самаробны пісталет, якія захоўваў па месцы жыхарства. У канцы жніўня 2018 года супрацоўнікі праваахоўных органаў выявілі і канфіскавалі гэтую агнястрэльную зброю і боепрыпасы.

Мужчыну было выстаўленае абвінавачванне па ч. 2 арт. 295 Крымінальнага кодэкса (незаконныя дзеянні ў адносінах да агнястрэльнай зброі, боепрыпасаў і выбуховых рэчываў).

Падчас судовага пасяджэння абвінавачаны прызнаў сваю віну, пры гэтым адмовіўся патлумачыць, калі, дзе і з якой мэтай набыў зброю і боепрыпасы.

Суд Першамайскага раёна Віцебска прызначыў мужчыну пакаранне ў выглядзе чатырох гадоў абмежавання волі без накіравання ў папраўчую ўстанову адкрытага тыпу без канфіскацыі маёмасці.

З улікам вялікай колькасці наразной агнястрэльнай зброі і боепрыпасаў, якія ўяўлялі грамадскую небяспеку, а таксама адмовы абвінавачанага раскрыць крыніцу і мэты іх набыцця пракурор прынёс апеляцыйны пратэст на прыгавор суда.

Па выніках яго разгляду прысуд зменены — абвінавачанаму прызначанае пакаранне ў выглядзе чатырох гадоў пазбаўлення волі з адбываннем у папраўчай калоніі ва ўмовах ўзмоцненага рэжыму.

Прыгавор суда набыў законную моц.

Таццяна Каравянкова, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН