Беларуская інфармацыйная кампанія
Адрас старонкі: https://by.belapan.by/archive/2019/01/25/990031_990032/
Дата раздрукоўкі: 18.10.2019 10:01
25.01.2019 13:20 Эканоміка, Фінансы

Долар ЗША і еўра патаннелі, расійскі рубель падаражэў перад выхаднымі

Мінск, 25 студзеня. 25 студзеня на таргах Беларускай валютна-фондавай біржы беларускі рубель умацаваўся да долара ЗША і еўра, знізіўся да расійскага рубля.

Па выніках таргоў курс еўра зменшыўся на 0,0083 рубля і склаў 2,4364 рубля.

Курс долара ЗША знізіўся на 0,0011 рубля (0,05%) да 2,1516 рубля.

Курс расійскага рубля вырас на 0,0048 рубля (0,15%) і склаў 3,2661 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Нафта падаражэла больш чым на 1% на фоне пагрозы ўвядзення санкцый ЗША супраць Венесуэлы, кошт маркі Brent знаходзіцца ў раёне 61,20 долара за бараль.

Сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім устанаўліваецца афіцыйны курс Цэнтрабанка, знізіўся на 0,0846 рубля і склаў 65,917 рубля.

Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН