Беларуская інфармацыйная кампанія
Адрас старонкі: https://by.belapan.by/archive/2019/02/08/992123_12345/
Дата раздрукоўкі: 24.04.2019 13:45
08.02.2019 19:53 Спорт, Эканоміка

Румас: Беларусь не задаволеная працай па прыцягненні буйных міжнародных спонсараў на ІІ Еўрагульні

Мінск, 8 лютага. Беларусь не задаволеная працай па прыцягненні буйных міжнародных спонсараў на II Еўрапейскія гульні ў Мінску, заявіў прэм`ер-міністр Беларусі Сяргей Румас па выніках сустрэчы з прэзідэнтам Еўрапейскіх алімпійскіх камітэтаў (ЕАК) Янезам Качыянчычам у Рыме.

Кіраўнік Еўрапейскіх алімпійскіх камітэтаў выказаў задавальненне тым, як ідзе падрыхтоўка да II Еўрапейскіх гульняў, паведамляе прэс-служба ўрада.

"Разам з тым мы абмеркавалі адно адчувальнае пытанне — прыцягненне міжнародных спонсараў, — раскрыў падрабязнасці перамоваў Сяргей Румас. — Паводле кантракта былі абавязацельствы (Еўрапейскіх алімпійскіх камітэтаў) прыцягнуць буйных міжнародных спонсараў, але на сёння вынікамі гэтай працы мы не можам быць задаволеныя".

Таму на сустрэчы абмяркоўваліся магчымыя выхады з сітуацыі. "Дамовіліся, што беларускі бок возьме больш на сябе працы па прыцягненні спонсараў у такіх прэміяльных сектарах, як нафтаперапрацоўка, банкаўская справа, напоі", — адзначыў прэм`ер-міністр.

Што тычыцца падрыхтоўкі да спаборніцтваў на нацыянальным узроўні, то ўсе дзяржорганы, якія задзейнічаныя ў гэтым працэсе, ужо выходзяць на фінішную прамую па сваіх напрамках. Ключавыя пытанні разглядаюцца аргкамітэтам.

II Еўрапейскія гульні пройдуць 21—30 чэрвеня ў Мінску на 12 спартыўных аб`ектах. Больш за 4 тыс. атлетаў з 50 краін разыграюць 199 камплектаў узнагарод у 15 відах спорту. Змаганні ў васьмі відах стануць кваліфікацыйнымі да XXXII Алімпійскіх гульняў 2020 года ў Токіа. Спаборніцтвы па бадмінтоне, боксе і дзюдо пройдуць у рангу чэмпіянатаў Еўропы.

Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН