Беларуская інфармацыйная кампанія
Адрас старонкі: https://by.belapan.by/archive/2019/02/22/993879_441122/
Дата раздрукоўкі: 02.12.2020 00:19
22.02.2019 10:43 Грамадства

Затрыманая 31-гадовая мінчанка, падазраваная ў арганізацыі вывазу за мяжу дзяўчат для прастытуцыі

Мінск, 22 лютага. Супрацоўнікі ўпраўлення па наркакантролі і супрацьдзеянні гандлю людзьмі ГУУС Мінгарвыканкама затрымалі 31-гадовую мінчанку.

На працягу некалькіх гадоў яна займалася арганізацыяй выезду за мяжу дзяўчат для прастытуцыі (у Расіі, Грэцыі, ААЭ, Францыі і іншых краінах), паведамляе ГУУС Мінгарвыканкама. Пры гэтым атрымлівала не менш як 30% ад заробленых жанчынамі грошай.

Устаноўлена, што фігурантка раней да крымінальнай адказнасці не прыцягвалася, зараз знаходзіцца ў адпачынку па доглядзе дзіця да трох гадоў.

Матэрыялы ў дачыненні да затрыманай перададзеныя ў Цэнтральны (Мінска) РАСК Следчага камітэта для давання прававой ацэнкі яе дзеянням.

"Рост прытоку замежнікаў у краіну, развіццё гасцінічнай інфраструктуры і іншых аб'ектаў турызму і адпачынку ў некаторай ступені паўплывалі і на аператыўнае становішча, звязанае з арганізацыяй і выкарыстаннем прастытуцыі, — адзначае міліцэйскае ведамства. — У апошнія гады здзяйсненне правапарушэнняў гэтай катэгорыі ўсё больш пераносіцца ў вышэйназваныя аб'екты (начныя клубы, казіно, саўны, гатэльныя комплексы)".

Як паведамляе ГУУС, застаецца актуальнай для Мінска і праблема гандлю людзьмі з мэтай сексуальнай эксплуатацыі за мяжой. Так, у 2018 годзе выяўлена 57 злачынстваў у сферы трафікінгу, з якіх 36 адносяцца да катэгорыі цяжкіх і асабліва цяжкіх. Усталяваны 21 падазраваны. Восем злачынстваў звязаныя з эксплуатацыяй беларускіх грамадзян за мяжой, 39 — з сексуальнай эксплуатацыяй на тэрыторыі Мінска. Перакрытыя чатыры каналы вывазу беларускіх жанчын за мяжу для прастытуцыі. Устаноўленая 51 ахвяра гандлю людзьмі, з іх тры непаўналетнія.

Андрэй Серада, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239