Беларуская інфармацыйная кампанія
Адрас старонкі: https://by.belapan.by/archive/2019/03/30/998700_998701/
Дата раздрукоўкі: 17.09.2019 03:25
30.03.2019 16:30 Эканоміка, Фінансы

"Банк ВТБ (Беларусь)" і Беларускі фонд фінансавай падтрымкі прадпрымальнікаў запусцілі праект для малога бізнесу

Мінск, 30 сакавіка. ЗАТ "Банк ВТБ (Беларусь)" першым сярод банкаў краіны заключыў пагадненне з Беларускім фондам фінансавай падтрымкі прадпрымальнікаў аб выдачы паручыцельстваў па крэдытах кліентам малога бізнесу. Дакумент падпісалі намеснік старшыні праўлення банка Павел Мандрыка і генеральны дырэктар Беларускага фонду фінансавай падтрымкі прадпрымальнікаў Пётр Арушаньянц, паведамляе прэс-служба "Банка ВТБ (Беларусь)".

"Дзякуючы пагадненню ў Беларусі з'яўляецца ўнікальны інструмент, які дазволіць прадстаўнікам малога бізнесу атрымліваць пазыковыя сродкі пад паручыцельства фонду. Гэта будзе садзейнічаць павышэнню канкурэнтаздольнасці на рынку, паляпшэнню інвестыцыйнага клімату, а таксама дасць дадатковыя магчымасці для развіцця бізнесу нашых кліентаў", — адзначыў Мандрыка.

"Асноўнай мэтай супрацоўніцтва з'яўляецца павышэнне якасці прадпрымальніцкай дзейнасці. Гэта не толькі дазволіць палегчыць атрыманне суб'ектамі малога бізнесу пазыковых рэсурсаў, але і стане штуршком для рэалізацыі іх прадпрымальніцкай ініцыятывы, дабратворна паўплывае на развіццё бізнесу", — пракаментаваў Арушаньянц.

На 1 студзеня гэтага года аб'ём крэдытнага партфеля суб'ектаў малога бізнесу "Банка ВТБ (Беларусь)" склаў 28,9 млн беларускіх рублёў. Асноўнымі галінамі крэдытавання па выніках 2018 года сталі лёгкая і цэлюлозна-папяровая прамысловасць, рознічны гандаль, фармацэўтыка, аперацыі з нерухомасцю і вытворчасць будаўнічых матэрыялаў.

ЗАТ "Банк ВТБ (Беларусь)" працуе з 1996 года і стабільна ўваходзіць у дзясятку найбуйнейшых банкаў у краіне.

Беларускі фонд фінансавай падтрымкі прадпрымальнікаў ажыццяўляе сваю дзейнасць на працягу 25 гадоў, аказваючы дзяржаўную фінансавую падтрымку суб'ектам малога прадпрымальніцтва.

Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН