Беларуская інфармацыйная кампанія
Адрас старонкі: https://by.belapan.by/archive/2019/04/12/by_media_puteprovod/
Дата раздрукоўкі: 23.04.2019 10:58
12.04.2019 13:30 Фота

У Віцебску пачаліся працы па дэмантажы Полацкага пуцеправода

    Паглядзець Паглядзець

У Віцебску пачаліся работы па дэмантажы Полацкага пуцеправода, рух чыгуначнага транспарту пры гэтым не спыняецца.

Для зносу старых канструкцый, якія папярэдне падзялілі пры дапамозе канатнай рэзкі, задзейнічалі два велізарныя краны, здольныя перамяшчаць грузы вагой у 125 тон. Гэтыя краны ўстаноўленыя на чыгуначных шляхах, так што падчас іх працы рух цягнікоў адбываецца толькі па суседніх ветках.

Пакуль разборка аднаго пралёта моста займае два дні. Жалезабетонныя бэлькі апускаюць з паўночнага боку пуцеправода, затым іх здрабняюць і вывозяць.

Полацкі пуцеправод ў Віцебску быў закрыты для руху транспарту ў лістападзе 2018 года, такое патрабаванне выставіла абласная пракуратура, бо абследаванне паказала, што ён знаходзіцца ў аварыйным стане. Новы віядук плануецца ўвесці ў строй толькі ў 2021 годзе.

Фота Сяргея Серабро, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН