Беларуская інфармацыйная кампанія
Адрас старонкі: https://by.belapan.by/archive/2019/06/02/ru_1006284_258741/
Дата раздрукоўкі: 17.11.2019 20:40
02.06.2019 11:56 Эканоміка, Грамадства

У Беларусі цэны на паліва павышаюцца 15-ты раз з пачатку года

Мінск, 2 чэрвеня. Канцэрн "Белнафтахім" абвясціў аб павышэнні 2 чэрвеня цэн на бензін і дызпаліва на АЗС на 1 капейку "з улікам праведзенага маніторынгу асноўных цэнаўтваральных фактараў". Гэтае падаражанне — 15-е з пачатку года.

Кошт бензіну АІ-92-К5-Еўра складае цяпер 1,58 рубля за літр, АІ-95-К5-Еўра — 1,69 рубля, АІ-98-К5-Еўра — 1,90 рубля, дызельнага паліва — 1,69 рубля за літр.

Як паведамляе "Белнафтахім", у маі 2019 года адзначалася высокая валатыльнасць нафтавага рынку (значэнні каціровак 1 бараля нафты маркі Brent змяняліся ад 75 да 62 долараў ЗША).

Пры зніжэнні цаны ў апошнія дні мая сярэдняя каціроўка нафты маркі Brent за месяц склала, паводле папярэдніх ацэнак, прыблізна 71 долар ЗША за бараль.

Кошт расійскай нафты, якая пастаўлялася ў маі на беларускія НПЗ, вырасла на 17% да студзеня гэтага года пры росце раздробных цэн на маторнае паліва ў сярэднім на 9,1%.

"Канцэрнам будзе працягнуты маніторынг сітуацыі на рынках нафты і нафтапрадуктаў у чэрвені і з улікам яе развіцця сфармаваныя рашэнні аб далейшай змене цэн на нафтапрадукты на ўнутраным рынку. У выпадку захавання ў чэрвені значэнняў каціровак, якія склаліся ў апошнія дні мая, цана на нафтапрадукты будзе зніжана ў межах абранай цэнавай палітыкі ", — адзначаюць у "Белнафтахіме".

З-за росту кошту нафты для беларускіх НПЗ аўтамабільнае паліва ў краіне практычна штотыдзень даражэе другі год.

У 2018 годзе большасць відаў паліва ў Беларусі падаражэлі 27 разоў (апошні раз 16 снежня), што ў "Белнафтахіме" растлумачылі неабходнасцю "кампенсацыі выдаткаў НПЗ па набыццё вуглевадароднай сыравіны". Паводле інфармацыі канцэрна, сярэдняя каціроўка нафты маркі Brent летась склала 71,1 долара ЗША за бараль.

У выніку ў 2018 годзе аўтамабільнае паліва падаражэла ў Беларусі на 20,24%. Пры гэтым агульны рост спажывецкіх цэн у краіне склаў 5,64%.

Кошт бензіну за мінулы год павялічыўся на 20,70%, дызельнага паліва — на 19,32%, газавага маторнага паліва — на 20,95%.

Аляксей Арэшка, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты


© 2000 — 2019 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН