Беларуская інфармацыйная кампанія
Адрас старонкі: https://by.belapan.by/archive/2020/09/13/ru_1059671_123/
Дата раздрукоўкі: 28.01.2021 02:41
13.09.2020 13:52 Грамадства, Палітыка

У розных раёнах Мінска пачынаюць затрымліваць удзельнікаў чарговага нядзельнага маршу прыхільнікаў перамен

Мінск, 13 верасня. Як і ў мінулую нядзелю, за паўтары-дзве гадзіны да абвешчанага сёння Маршу герояў у розных раёнах Мінска пачалі затрымліваць людзей з бел-чырвона-белымі сцягамі, якія групамі накіроўваліся ў цэнтр горада.

Мяркуючы па паведамленнях і відэа інтэрнэт-карыстальнікаў, затрыманні адбыліся ў раёне станцыі метро "Грушаўка" і на вуліцы Маякоўскага. Людзей затрымліваюць сілавікі ў чорнай форме, у некаторых ёсць зброя. Затрыманых змяшчаюць у мікрааўтобусы.

Гэта ўжо пяты па ліку нядзельны марш прыхільнікаў перамен пасля прэзідэнцкіх выбараў 9 жніўня. Людзі па ўсёй краіне патрабуюць адстаўкі Лукашэнкі і правядзення новых сумленных выбараў, вызвалення палітвязняў, а таксама адказнасці за збіццё мірных дэманстрантаў і іх катаванне.

БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239