Беларуская інфармацыйная кампанія
Адрас старонкі: https://by.belapan.by/archive/2020/09/15/eu_1059974_1059975/
Дата раздрукоўкі: 22.10.2020 21:37
15.09.2020 10:54 Палітыка, Грамадства, Беларусь — Еўрасаюз

Лінкявічус: Беларусаў павінен падтрымаць увесь дэмакратычны свет

Мінск, 15 верасня. "Беларусы змагаюцца за сваё права свабодна выбіраць будучыню Беларусі без пераследаў. Увесь дэмакратычны свет павінен іх падтрымаць", — напісаў міністр замежных спраў Літвы Лінас Лінкявічус у "Твітэры" з нагоды Міжнароднага дня дэмакратыі, які адзначаецца 15 верасня.

"Дэмакратыя не пустое слова. Дэмакратыя дае адказнасць будаваць уласную будучыню", — падкрэсліў кіраўнік літоўскай дыпламатыі.

Раней сітуацыю ў Беларусі ў сувязі з Міжнародным днём дэмакратыі закранула канцлер Германіі Ангела Меркель. "Наша сэрца з мірнымі дэманстрантамі. Варта захаплення, з якімі мужнасцю і рашучасцю яны выходзяць на вуліцы за свабоду і вяршэнства права", — заявіла канцлер у відэазвароце да суграмадзян. Паводле яе слоў, аб працу ў імя дэмакратыі ў Беларусі ў літаральным сэнсе выціраюць ногі.

З 9 жніўня ў Беларусі праходзяць акцыі пратэсту супраць фальсіфікацыі вынікаў прэзідэнцкіх выбараў. Еўрасаюз не прызнаў вынікі, апублікаваныя Цэнтральнай камісіяй па выбарах і правядзенні рэспубліканскіх рэферэндумаў, згодна з якімі Аляксандр Лукашэнка атрымаў 80% галасоў, а яго галоўны канкурэнт Святлана Ціханоўская — 10%.

Дзмітрый Уласаў, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2020 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239