Беларуская інфармацыйная кампанія
Адрас старонкі: https://by.belapan.by/archive/2020/09/18/eu_1060529_123456/
Дата раздрукоўкі: 26.01.2021 02:11
18.09.2020 18:24 Палітыка, Беларусь — Еўрасаюз

Акрэдытаваныя ў Беларусі еўрапейскія дыпламаты абвясцілі аб запуску акцыі салідарнасці з беларускімі палітзняволенымі

Мінск, 18 верасня. Акрэдытаваныя ў Беларусі еўрапейскія дыпламаты абвясцілі аб запуску акцыі салідарнасці з беларускімі палітзняволеныміі.

"Мы выказваем салідарнасць з усімі палітычнымі вязнямі ў Беларусі — некалькімі дзясяткамі мужчын і жанчын, несправядліва заключанымі пад варту за абарону і адстойванне асноўных свабод і дэмакратыі, — гаворыцца ў паведамленні, апублікаваным на старонцы прадстаўніцтва ЕС у Беларусі ў "Фэйсбуку". — З гэтага дня кожны з нас будзе прыносіць копію спісу палітвязняў у Беларусі на кожную сустрэчу з беларускімі чыноўнікамі".

Кіраўнікі дыпмісій краін ЕС заклікалі беларускія ўлады дзейнічаць у адпаведнасці са сваімі міжнароднымі абавязкамі і вызваліць усіх тых, хто ў Беларусі быў заключаны ў турму на працягу апошніх некалькіх месяцаў па палітычных матывах.

Дыпламаты падкрэсліваюць, што мірнае і ўстойлівае ўрэгуляванне цяперашняга крызісу можа быць вынікам толькі "ўсёабдымнага нацыянальнага дыялогу пры поўным выкананні асноўных правоў і свабод народа Беларусі і пры поўным забеспячэнні дэмакратычных працэдур, якіх патрабуе народ Беларусі".

Ірына Турчына, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239