Беларуская інфармацыйная кампанія
Адрас старонкі: https://by.belapan.by/archive/2020/09/23/ru_1061057_225588/
Дата раздрукоўкі: 18.01.2021 17:48
23.09.2020 13:16 Грамадства, Палітыка

Праваабаронцы паведамляюць пра затрыманні журналістаў у Мінску, Віцебску і Магілёве

Мінск, 23 верасня. 23 верасня ў шэрагу гарадоў Беларусі затрыманыя некалькі чалавек, у тым ліку журналісты, паведамляе праваабарончы сайт spring96.org.

У Мінску ля Палаца Незалежнасці, дзе сёння ва ўмовах сакрэтнасці прайшла інаўгурацыя Аляксандра Лукашэнкі, затрыманыя журналіст расійскага агенцтва ТАСС Арцём Папоў і жыхарка сталіцы Таццяна Джавадава. Паводле інфармацыі праваабаронцаў, жанчына трымала плакат "Саша, забяры працоўную (кніжку)!".

Раніцай у Магілёве супрацоўнікі міліцыі затрымалі галоўнага рэдактара сайта 6tv.by Дзмітрыя Салаўёва. Прычына затрымання пакуль невядомая.

У Віцебску падчас правядзення вулічнага відэаапытання жыхароў горада затрымалі журналіста Віталя Скрыля. Супрацоўнік аддзела міліцыі Кастрычніцкага раёна Віцебска паведаміў Скрылю, што яго шукае міліцыя. Высветлілася, што ў дачыненні да журналіста адкрытыя тры адміністрацыйныя справы. У Віцебскім раённым аддзеле міліцыі, куды даставілі журналіста, паведамілі, што яго абвінавачваюць на падставе артыкула 23.34 КоАП за ўдзел у несанкцыянаваных вулічных акцыях у Віцебску 6, 13 і 20 верасня.

Акрамя таго, паведамляюць праваабаронцы, віцебская міліцыя шукае незалежных журналістаў Алену Сцяпанаву і Вячаслава Лазарава. У сувязі з якімі абвінавачаннямі, пакуль невядома.

Ірына Турчына, БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239