Беларуская інфармацыйная кампанія
Адрас старонкі: https://by.belapan.by/archive/2020/11/15/ru_1068094_558877/
Дата раздрукоўкі: 18.01.2021 17:58
15.11.2020 15:24 Грамадства, Палітыка

Не менш за 13 журналістаў затрыманыя ў Мінску, Гродне і Віцебску

Мінск, 15 лістапада. Не менш за 13 журналістаў былі затрыманыя ў Мінску, Гродне і Віцебску падчас акцый пратэсту 15 лістапада.

Так, у Мінску затрыманыя журналісты БелаПАН Андрэй Шаўлюга і Юлія Коцкая, карэспандэнт Tribuna.com Аляксандр Івулін, фатограф Яўген Атцецкі, фотажурналіст "Нашай Нівы" Аляксандра Піліповіч-Сушчыц, журналістка Таццяна Гаўрыльчык.

У Гродне, згодна з інфармацыяй Беларускай асацыяцыі журналістаў, затрымалі карэспандэнта Hrodna.life Андрэя Ломава, фатографа Яўгена Бузука, журналіста autogrodno.by Міхаіла Кунцэвіча.

У Віцебску затрыманыя фотажурналіст tut.by і "Народнай Волі" Алесь Пілецкі і журналіст Ігар Мацвееў.

Раней таксама паведамлялася аб затрыманні ў раёне станцыі метро "Пушкінская" ў Мінску карэспандэнтаў ТАСС Юрыя Шамшура і БелТА Андрэя Пакумейкі. Пасля праверкі дакументаў іх адпусцілі.

БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239