Беларуская інфармацыйная кампанія
Адрас старонкі: https://by.belapan.by/archive/2021/01/13/ru_1074179_1074180/
Дата раздрукоўкі: 28.01.2021 02:18
13.01.2021 16:38 Грамадства

Журналіст Андрэй Аляксандраў затрыманы па крымінальнай справе

Мінск, 13 студзеня. Журналіст і медыяменеджар Андрэй Аляксандраў затрыманы ў рамках крымінальнай справы, распачатай упраўленнем Следчага камітэта (УСК) па Мінску, паведаміла БелаПАН яго адвакат.

Пра якую справу ідзе гаворка і ў якім статусе знаходзіцца затрыманы, яна не ўдакладніла, бо дала падпіску аб невыдаванні. Сёння адвакат паспрабуе наведаць Аляксандрава ў ІЧУ на Акрэсціна.

Ва УСК па Мінску сітуацыю пакуль не каментуюць.

Андрэй Аляксандраў перастаў выходзіць на сувязь 12 студзеня каля 14.00. Амаль суткі родныя і калегі не ведалі пра яго месцазнаходжанне. 13 студзеня, пасля таго як дырэктар БелаПАН пайшоў у міліцыю пісаць заяву аб знікненні чалавека, высветлілася, што Аляксандраў знаходзіцца ў Кастрычніцкім РУУС Мінска.

Абставіны затрымання журналіста невядомыя. Разам з Андрэем была затрыманая яго дзяўчына, яна цяпер знаходзіцца на Акрэсціна.

БелаПАН.

Аўтарызацыя

Імя:
Пароль:

Архіў

  • дзень
  • месяц
  • год

Сюжэты




© 2000 — 2021 БелаПАН. Усе правы абароненыя.
Уся інфармацыя, размешчаная на гэтым сайце, прызначана толькі для персанальнага выкарыстання і не падлягае далейшаму ўзнаўленню і/або распаўсюджванню ў любой форме інакш як з пісьмовага дазволу БелаПАН

.239